Ang sabi ni ina, totoo si Tala sa mga taong naniniwala. Noon, hindi ako naniniwala sa Tala hanggang sa dumating ang isang binibini na nagpabago ng lahat. Si Maria Carlota Sandoval. Sa isang iglap, nasagot ang mga tanong na gumugulo sa aking isipan. Sa isang iglap, naging maliwanag ang lahat para sa akin. Siya ang kulang na matagal ko ng hinahanap. Mahirap siyang mahalin sapagkat anak siya ng kalaban ni ama. Mahirap siyang mahalin sapagkat… ikakasal na siya sa iba.

Sa tatlong buhay ko na nagdaan, wala akong ginawa. Ngayong dumating ang ikaapat, handa na akong ibigay ang lahat. Handa akong talikuran ang lahat para sa kanya.